PAYCHECK PROTECTION PROGRAM LOANS - Frequently Asked Questions (FAQs) (Haitian Creole)
Summary
A Haitian Creole translation of the SBA frequently asked questions (FAQs) on PPP loans, dated 13 Me, 2020. It states that the SBA, in consultation with the treasury department, intends to provide additional guidance on borrower and lender questions about the program, established under section 1102 of the CARES Act. It says the document will be updated regularly and that borrowers and lenders may rely on it as SBA's interpretation of the CARES Act and the program's interim final rules.
Summary drafted by a model from the document's text below and checked by script against that text before publication. It is a navigation aid, not a reading of what the document proves. Where AI is used
Full text
007 – Haitian Creole - Kreyol Ayisyen
Depi 13 Me, 2020
PWOGRAM PRE PWOTEKSYON SALE
Kesyon yo Poze Souvan (FAQs)
Administrasyon Ti Biznis (SBA), an konsiltasyon avèk Depatman Trezò a, gen entansyon pou
founi gidans adisyonèl apwopriye pou reponn kesyon moun ka p prete ak moun ki bezwen prete
konsènan enplemantasyon Pwogram Pwoteksyon Salè (PPS), ki te tabli selon seksyon 1102 nan
Lwa Ed, Sekou, ak Sekirite Ekonomik pou Kowonaviris (Lwa CARES oswa Lwa a). Dokiman sa
a pral sibi mizajou sou yon baz regilye.
Moun ka prete ak moun ki bezwen prete ka konte sou gidans ke dokiman sa founi sou
entèpretasyon SBA nan Lwa CARES la ak sou Lwa Final Enterimè Pwogram Pwoteksyon Salè a
(“Lwa Final Enterimè PPS”) (lyen). Gouvènman Etazini an pa pral mete presyon sou aksyon
moun k ap prete lajan PPS ki konfòme yo ak oryantasyon sa,1 ak Prensip Enterimè Final yo epi
tout lòt regleman ki ka vin efektif pi devan nan moman sa.
1. Kesyon: Paragraf 3.b.iii nan Regleman Final Enterimè PPS deklare ke moun ka prete a dwe
“[k]onfime kantite dola li koute anmwayèn pou pewòl chak mwa pou kalandriye ane ki te
pase a nan revize dokimantasyon sou pewòl ki te soumèt avèk aplikasyon moun ki bezwen
prete a.” Eske sa fè moun k ap prete a oblije repete kalkil pou chak moun k ap prete?
Repons: Non. Founi yon kalkil egzak sou kou pewòl yo se responsablite moun k ap prete
a, epi moun ki bezwen prete a konfime ke kalkil sa yo egzak nan Fòm Aplikasyon Moun
ki bezwen prete a. Moun ka p prete yo gen pou devwa pou yo konplete revizyon ak tout
bòn fwa, nan yon tan rezonab, sou kalkil yo ak dokiman sipò moun ki bezwen prete a nan
sa ki konsène kou pewòl mwayen pa mwa. Pa egzanp, revizyon minimal sou kalkil ki baze
sou rapò pewòl ki fèt pa yon espesyalis nan pewòl rekoni epi endepandan ta dwe rezonab.
An plis, jan Regleman Final Enterimè PPS la endike, moun k ap prete a ka konfye li nan sa
moun ki bezwen prete a montre, ladan yo sa ki gen pou wè ak montan ki nesesè pou retire
nan valè pewòl y koute.
Si moun k ap prete a idantifye erè nan kalkil moun ki bezwen prete a oswa eleman yo nan
dokiman sipò moun ki bezwen prete a manke jistifikasyon, moun k ap prete a ta dwe
travay avèk moun ki bezwen prete a pou korije pwoblèm lan.2
2. Kesyon: Eske dosye Ti Biznis yo (jan sa defini nan seksyon 3 nan Lwa Ti Biznis la, 15
U.S.C. 632) oblije genyen 500 oswa mwens anplwaye pou yo elijib kòm moun ki bezwen
prete nan PPS a?
Repons: Non. Dosye Ti Biznis yo ka elijib kòm moun ki bezwen prete menm si yo genyen
plis pase 500 anplwaye, depi yo satisfè definisyon jiridik ak regilatwa pou yon “dosye ti
biznis” dapre seksyon 3 nan Lwa sou Ti Biznis, 15 U.CS.C. a. 632. Yon biznis kapab
kalifye si li satisfè prensip SBA ki baze sou anplwaye yo oswa dimansyon ki baze sou
revni ki koresponn ak endistri prensipal li a. Ale nan www.sba.gov/size prensip sou
dimansyon endistri a.
1
Dokiman sa a pa gen fòs ak efè lwa si se pa sou baz lwa ak regleman ke yo chita sou li.
2
Kesyon 1 pibliye 3 Avril, 2020.
Depi 13 Me, 2020
Adisyonèlman, yon biznis kapab kalifye pou Pwogram Pwoteksyon Salè akòm yon dosye
ti biznis si li te pase toude tès yo nan “prensip dimansyon altènativ” SBA aapati 27 Mas,
2020: (1) maksimòm valè global tanjib biznis lan pa depase 15 milyon dola; epi (2) reveni
mwayen reyèl apre taks Federal sou revni (ki eskli tout defisi ki te pase) nan biznis la pou
de ane fiskal konplè avan dat aplikasyon an pa depase 5 milyo dola.
Yon biznis kapab kalifye kòm yon dosye ti biznis dapre seksyon 3 nan Lwa sou Ti Biznis,
15 U.S.C. 632 a, ka sensèman montre ke li elijib pou prè yo nan PPS nan Fòm Aplikasyon
pou moun ki bezwen prete, sofsi li pa elijib pou lòt rezon.
3. Kesyon: Eske biznis mwen dwe kalifye kòm yon dosye ti biznis (jan sa defini nan seksyon
3 nan Lwa Ti Biznis la, 15 U.S.C. 632 a) pou li kapab patisipe nan PPS a?
Repons: Non. An plis dosye ti biznis la, yon biznis ka elijib pou yon prè PPS si biznis lan
genyen 500 oswa mwens anplwaye ki gen rezidans prensipal yo isit nan Etazini, oswa si
biznis la satisfè prensip dimansyon ki baze sou anplwaye pou endistri l ap opere ladan an
(si sa aplikab). Konsa tou, prè PPS yo disponib tou pou òganizasyon ki pa pou pwofi ki
egzante de taks ki dekri nan seksyon 501(c)(3) nan Kòd Entèn Revni (IRC), òganizasyon
veteran ki egzante de taks ki dekri nan seksyon 501(c)(19) nan IRC, ak dosye biznis Tribal
ki dekri nan seksyon 31(b)(2)(C) sou Lwa Ti Biznis ki genyen 500 anplwaye oswa mwens
ki gen plas rezidans prensipal yo isit nan Etazini, oswa satisfè prensip dimansyon SBA ki
baze sou anplwaye pou endistri ke y ap opere ladan an.
4. Kesyon: Eske moun ka p prete yo gen obligasyon pou pran yon desizyon endepandan
konsènan aplikabilite regleman sou afilyasyon dapre 13 C.F.R. 121.301(f) pou moun ki
bezwen prete yo?
Repons: Non. Se responsablite moun ki bezwen prete a pou detèmine ki antite (si gen
nenpòt) ki se aflilye li epi detèmine kantite anplwaye ki ak moun ki bezwen prete a ak
afilye li yo. Moun k ap prete yo gen otorizasyon pou yo konte sou sètifika moun ki bezwen
prete yo.
5. Kesyon: Eske moun ki bezwen prete yo gen obligasyon pou aplike regleman afilyasyon
SBA yo dapre 13 C.F.R. 121.301(f)?
Repons: Wi. Moun ki bezwen prete a dwe aplike lwa afilyasyon an ki disponib nan
Prensip Enterimè Final sou Afilyasyon na SBA a. Yon moun ki bezwen prete dwe sètifye
sou Fòm Aplikasyon Moun ki bezwen prete ake moun ki bezwen prete a elijib pou
resevwa yon prè PPP, epi sètifika sa vledi ke moun ki bezwen prete a se yon dosye ti
biznis jan sa defini nan seksyon 3 nan Lwa Ti Biznis la (15 U.S.C. 632), satisfè prensip
dimansyon ki baze sou anplwaye oswa baze sou revni an, oswa pase tès yo nan prensip
dimansyon altènatif, apre aplikasyon lwa afilyasyon yo, si li aplikab. Esklizyon afilyasyon
aktyèl SBA a aplike pou PPS a, ki enkli, pa egzanp esklizyon dapre 13 CFR
121.103(b)(2).
6. Kesyon: Regleman afilyasyon an ki baze sou dwa pwopriyete (13 C.F.R. 121.301(f)(1)
deklare ke SBA pral konsidere yon gwoup envestisè minoritè nan yon biznis pou kontwole
biznis lan si gwoup envestisè a genyen dwa pou anpeche yon kowòm oswa yon lòt fason
Depi 13 Me, 2020
bloke aksyon pa konsèy direktè ak gwoup envestisè yo. Si yon gwoup envestisè
definitivman renye dwa sa yo, eske li pral toujou konsidere kòm yo afilye nan biznis lan?
Repons: Non. Si yon gwoup envestisè minoritè nan yon biznis irevokableman abandone
oswa renonse ak nenpòt dwa egzistan ki espesifye nan 13 C.F.R. 121.301(f)(1), gwoup
envestisè minoritè apa ta dwe kontinye rete kòm yon afiilye nan biznis la (ak sipozisyon
ke pa gen okenn lòt relasyon ki touche règleman afilyasyon yo).
7. Kesyon: Lwa CARES la eskli nan definisyon kou pewòl la nenpòt konpansasyon
anplwaye ki depase yon salè anyèl $100,000. Eske esklizyon sa aplike pou tout benefis
anplwaye ki gen valè monetè?
Repons: Non. Esklizyon sou konpansasyon ki depase $100,000 anyèl la aplike sèlman pou
konpasasyon lajan, men pa benefis ki pa lajan, tankou:
• kontribisyon anplwayè nan plan retrèt pou benefis ki defini oswa pou plan retrèt pou
kontribisyon defini;
• peman pou kontinye founi egzanp ki gen ladan kouvèti swen sante an gwoup, sa ki
enkli premyòm, epi
• peman pou taks leta ak lokal ki evalye sou konpansasyon pou anplwaye.
8. Kesyon: Eske prè PPS yo kouvri konje maladi peye?
Repons: Wi. Prè PPS yo kouvri kou pewòl, sa ki enkli kou pou vakans anplwaye, konje
peye pou paran, fanmi ak maladi. Sepandan, Lwa CARES la eskli salè vakans pou fanmi
oswa maladi ki kalifye si deja genyen kredi pou sa dapre seksyon 7001 ak 7003 nan Lwa
Repons Inisyal Fanmi pou Kowonaviris la (Lwa Piblik 116-127). Aprann plis konsènan
Kredi Ranbousab pou Konje Maladi Peye la a.
9. Kesyon: Ti biznis mwen an se yon biznis an sezon ki gen plis aktivite soti Avril rive Jen.
Konsiderasyon aktivite apati peryòd sa a t ap reprezante yon imaj pi egzak sou operasyon
biznis yo. Sepandan, ti biznis mwen an pa te vrèman rive pran vitès li avan 15 Fevriye
2020. Eske mwen toujou elijib?
Repons: Nan evalye elijiblite yon moun ki bezwen prete, moun k ap prete a ka konsidere
si yon biznis sezonye te an operasyon apati 15 Fevriye 2020 oswa pou yon peryòd 8-
semèn ant 15 Fevriye, 2019 ak 30 Jen, 2019.
10. Kesyon: Kisa ki ka pase si moun ki elijib pou prete a sou kontra ak yon peyè endepandan
pou founi sèvis pewòl li oswa yon Oganizasyon Anplwayè Pwofesyonèl (PEO) pou asire
pewòl ak rapò taks sou pewòl?
Repons: SBA rekonèt ke moun ki elijib pou prete yo ka itilize PEO y swa lòt founisè sèvis
pewòl anba obligasyon lwa anrejistreman kèk eta pou rapòte salè ak lòt done sou Nimewo
Idantifikasyon Anplwayè (EIN) pou PEO oswa founisè sèvis pewòl. Nan ka sa yo,
dokimantasyon pewòl founisè sèvis pewòl lan bay la ki endike montan salè ak taks sou
pewòl ki rapòte bay IRS pa founisè sèvis pewòl la pou anplwaye moun ki bezwen prete a
pral konsidere kòm dokimantasyon pewòl akseptab pou prè PPP a. Enfòmasyon pètinant
apati yon kalandriye (Schedule R) (Fòm 941), Fòm Kalandriye Alokasyon pou
Depi 13 Me, 2020
Regwoupman Deklaran 941, atache ak Fòm 941 pou PEO oswa lòt founisè sèvis pewòl,
Deklarasyon Enpo Federal Trimestriyèl Anplwayè a, ta dwe itilize si li disponib; adefo,
moun elijib ta dwe jwenn yon deklarasyon apati founisè sèvis pewòl la ki dokimante
montan salè ak taks sou pewòl yo. An plis, anplwaye yo pou moun elijib ki bezwen prete a
pa p konsidere kòm si yo sete anplwaye founisè sèvis pewòl la oswa PEO a yo te ye.
11. Kesyon: Eske moun ki ap prete yo ka aksepte siyati nan men yon grenn moun ki otorize
pou siyen nan plas moun ki bezwen prete a?
Repons: Wi. Sepandan, moun ki bezwen prete a ta dwe konsève nan lespri li ke, jan Fòm
Aplikasyon Moun ki bezwen prete a endike, sèlman yon reprezantan otorize biznis lan ki
ap chèche yon prè kapab siyen pou reprezante biznis lan. Siyati yon moun kòm yon
“Reprezantan Otorize pou Aplikan an” se demonstrasyon pou moun ki ap prete a ak pou
gouvènman ameriken an ke siyatè a otorize pou prepare sètifika yo, ki enkli nan sa ki gen
pou wè ak aplikan an ak chak pwopriyetè 20% oswa plis nan lajan aplikan an, te fè pati
Fòm Aplikasyon Moun ki bezwen prete a. Moun ka p prete a ka konte sou reprezantasyon
sa epi aksepte siyati yon grenn moun sou baz sa.
12. Kesyon: Mwen bezwen fè demann yon prè pou sipòte operasyon ti biznis mwen an dapre
sitiyasyon ensètitid nan ekonomi aktyèl la. Sepandan, mwen te plede koupab pou yon krim
grav sa genyen anpil tan. Eske mwen toujou ka elijib pou PPS a?
Repons: Wi. Biznis yo pa elijib sèlman si pwopriyetè 20% oswa plis nan valè lajan
aplikan an aktyèlman dèyè bawo, an pwobasyon, oswa libète sou pawòl; siseptib pou yon
akizasyon fòmèl, envestigasyon kriminèl, ak akizasyon, oswa lòt mwayen ki sèvi pou pote
akizasyon fòmèl nan nenpòt jiridiksyon; oswa, nan dènye senk ane yo, te kondane, pou
nenpòt kalite krim; plede koupab; plede pa fè opozisyon; te plase nan pwoteksyon avan
pwosè; oswa te plase nan nenpòt fòm libète sou pawòl oswa pwobasyon (sa ki enkli
pwobasyon avan jijman).
13. Kesyon: Eske moun k ap prete yo gen pèmisyon pou itilize pwòp aksè anliy yo ak fòm
elektwonik yo ke yo kreye pou yo kolekte menm enfòmasyon ak sètifika sa yo jan yo ye
nan Fòm Aplikasyon Moun ki bezwen prete a, yon fason pou konplete enplemantasyon
aksè anliy pou yo?
Repons: Wi. Moun k ap prete yo ka itilize pwòp sistèm anliy yo ak yon fòm yo te etabli ki
mande pou menm enfòmasyon an (itilize menm langaj la) ki nan Fòm Aplikasyon Moun ki
bezwen prete a. Moun k ap prete a toujou gen obligasyon pou voye done yo bay SBA
atravè entèfas SBA a.
14. Kesyon: Ki peryòd tan moun ki bezwen prete yo ta dwe itilize pou detèmine kantite
anplwaye yo ak kou pewòl yo pou kalkile montan maksimòm pou prè yo a?
Repons: An jeneral, moun ki bezwen prete yo kapab itilize done oubyen apati dènye 12
mwa yo oswa apati kalandriye ane fiskal 2019 la pou kalkile montan total pewòl yo. Pou
biznis sezonye yo, aplikan an ka itilize mwayèn pewòl mansyèl pou peryòd ant 15 Fevriye,
2019, oswa 1e Mas, 2019, ak 30 Jen, 2019. Yon aplikan ki pa te nan biznis soti 15 Fevriye,
2019 rive 30 Jen, 2019 ka itilize mwayèn kou pewòl mansyèl pou peryòd 1e Janvye 2020
Depi 13 Me, 2020
rive 29 Fevriye, 2020.
Moun ki bezwen prete yo ka itilize mwayèn anplwa yo sou menm peryòd tan yo pou
detèmine kantite anplwaye yo, nan objektif pou aplike prensip dimansyon ki baze sou
anplwaye a. Altènativman, moun ki bezwen prete yo ka chwazi pou itilize kalkil abityèl
SBA a: kantite mwayèn anplwaye pandan peryòd peman yo nan 12 mwa ki pase yo nan
kalandriye a avan dat aplikasyon pou prè a (oswa kantite mwayèn anplwaye pou chak jou
nan peryòd peman yo ke biznis lan te operasyonèl, si li pa te operasyonèl pou 12 mwa yo).
15. Kesyon: Eske peman moun elijib ki bezwen prete bay yon kontraktè endepandan oswa
yon pwopriyetè separe ta dwe enkli nan kalkil pou kou pewòl moun elijib ki bezwen
prete a?
Repons: No.Tout montan ke yon moun elijib ki bezwen prete te peye bay yon kontraktè
endepandan oswa pwopriyetè separe ta dwe eskli de kou pewòl biznis ki elijib la.
Sepandan, yon kontraktè endepandan oswa yon pwopriyetè separe pral pou tèt pa li elijib
pou yon prè anba PPP a, si li satisfè kondisyon ki aplikab yo.
16. Kesyon: Ki jan yon pretè ta dwe peye taks federal pou detèmine depans pewòl li yo pou
rezon prè maksimòm lan, itilizasyon admisib nan yon prè PPP, ak kantite lajan yon prè ki
ka padonnen?
Repons: Dapre Lwa a, kou pewòl yo kalkile sou yon baz global san konsidere (i.e., pa
enkli soustraksyon oswa adisyon sou baz la) taks federal ki enpoze oswa retire, tankou
posyon nan Lwa Kontribisyon Asirans Federal pou anplwaye ak anplwayè a (FICA) ak
enpo sou revni ke yo oblije retire sou anplwaye yo. Kòm yon rezilta, depans pewòl yo pa
redwi pa taks enpoze sou yon anplwaye ak oblije yo dwe kenbe pa patwon an, men depans
pewòl pa enkli nan pati patwon an nan taks sou pewòl. Pa egzanp, yon anplwaye ki te
touche $4,000 pa mwa nan salè brut, ke yo retire $500 nan taks federal, ta dwe konte kòm
$4,000 nan depans pewòl yo. Anplwaye a ta dwe resevwa $3,500, epi $500 ta dwe al
jwenn gouvènman federal la. Sepandan, pewòl taks federal kote anplwaye a te enpoze sou
$4,000 salè eskli nan kou pewòl yo anba regleman an.3
17. Kesyon: Mwen te ranpli oswa apwouve yon aplikasyon prè ki baze sou vèsyon Regleman
Enterimè Final PPP ki te pibliye 2 Avril, 2020. Eske mwen bezwen fè nenpòt aksyon ki
baze sou dènye enstriksyon an nan Kesyon Moun Poze souvan yo (FAQs)?
3
Definisyon pou “depans pewòl” nan Lwa CARES la, 15 U.S.C. 636(a)36)(A)(viii), eskli “taks ki enpoze oswa retire
dapre chapit 21, 22, oswa 24 nan Kòd Revni Entèn 1986 pandan peryòd kouvèti a,” ki defini soti 15 Fevriye, 2020,
rive 30 Jen, 2020. Jan sa dekri pi wo a, SBA entèprete ke lwa esklizyon sa vle di ke depans pewòl yo kalkile sou salè
brit la, san retire taks federal ki enpoze sou anplwaye a oswa lajan ki soti sou anplwaye a. Kontrèman ak taks pewòl
anplwayè a, kailte taks sa yo sou anplwaye a dabitid soti sou fòm yon rediksyon nan montan reyèl anplwaye a
resevwa a; esklizyon yo apati definisyon kou pewòl yo vledi kou pewòl la pa ta dwe redui sou baz taks ki enpoze sou
anplwaye a oswa montan ki retire sou anplwaye a. Entèpretasyon sa an koyerans avèk tèks nan deklarasyon lwa a epi
sipòte objektif lwa pou asire travayè yo kontinye genyen salè ak anplwa. Pi lwen, akòz peryòd referans pou detèmine
montan maksimòm prè a pral lajman oswa antyèman presede peryòd soti 15 Fevriye, 2020 rive 30 Jen, 2020 an, epi
peryòd kote moun ki bezwen prete yo pral tonbe anba restriksyon yo sou itilizasyon otorize pou prè yo ka ale depase
peryòd sa, nan sousi pou detèmine itilizasyon otorize pou prè yo ak montan nan prè yo ki pa p remèt, esklizyon legal
sapral aplike nan sa ki konsène taks ki enpoze oswa retire nenpòt lè, pa sèlman pandan peryòd sa a.
Depi 13 Me, 2020
Repons: Non. Moun ki bezwen prete ak moun k ap prete yo ka konte sou lwa, regleman,
ak enstriksyon ki disponib nan moman apwopriye aplikasyon an. Sepandan, moun ki
bezwen prete yo ki te deja soumèt aplikasyon pou prè yo ki pa te ko konplete ka revize
aplikasyon yo sou baz klarifikasyon ki reflete nan FAQ sa yo.
18. Kesyon: Eske prè PPP yo pou kliyan aktyèl yo konsidere kòm nouvo kont pou Prensip
FinCEN CDD yo? Eske moun k ap prete yo oblije kolekte, sètifye, oswa verifye
enfòmasyon pwopriyetè benefisyè a pou respekte prensip obligasyon pou kliyan aktyèl yo?
Repons: Si prè PPS la ap fèt pou yon kliyan aktyèl epi enfòmasyon nesesè yo te deja
verifye, ou pa bezwen re-verifye enfòmasyon an.
Pi lwen toujou, si enstitisyon depozitè ki asire federalman yo ak bank kowoperativ ki
asire federalman yo elijib pou patisipe nan pwogram PPS a pa te deja kolekte
enfòmasyon dwa pwopriyete benefisyè pou kliyan aktyèl yo, enstitisyon sa yo pa
bezwen kolekte ak verifye enfòmasyon dwa pwopriyete benefisyè a pou kliyan sa yo k
ap aplike pou nouvo prè PPS yo, sofsi sa endike otreman pa apwòch ki baze sou risk
moun k ap prete a pou respekte BSA.4
19. Kesyon: Eske moun ki ap prete gen pou yo itilize nòt angajman SBA a oswa yo ka itilize
pwòp nòt pa yo?
Repons: Moun ki ap prete yo ka itilize pwòp nòt angajman pa yo oswa yon fòm SBA pou
not angajman an.
20. Kesyon: Montan ki pap remèt nan prè PPS a depann de kou pewòl moun ki bezwen prete
a sou yon peryòd uit-semèn; kilè peryòd uit-semèn sa kòmanse?
Repons: Peryòd uit-semèn lan kòmanse nan dat moun k ap prete a fè premye debousman
nan prè PPS la pou moun ki bezwen prete a. Moun k ap prete a dwe fè premye debousman
sou prè a pa pita ke dis jou ouvrab apati dat prè a te apwouve a.5
21. Kesyon: Eske moun ki ap prete yo bezwen yon dokiman Otorizasyon SBA separe pou
emèt prè PPP yo?
Repons: Non. Yon moun ki ap prete pa bezwen yon Otorizasyon SBA separe pou garanti
yon prè PPP. Sepandan, moun ki ap prete a dwe te konplete Fòm 2484 SBA (Fòm
Aplikasyon Moun ki ap prete pou Pwogram Pwoteksyon Salè a)6 pou emèt prè PPS yo epi
resevwa yon nimewo prè pou chak prè PPS yo prepare. Moun ki ap prete yo ka enkli nan
nòt angajman yo pou prè PPS yo tout tèm ak kondisyon yo, ki enkli fè referans ak
amòtisman ak divilgasyon, ki pa respekte Seksyon 1102 ak 1106 nan Lwa CARES la,
Prensip ak enstriksyon Enterimè Final PPS, ak Fòm 2484 SBA a.
4
Kesyon 2 - 18 pibliye 6 Avril, 2020.
5
Kesyon 19 - 20 pibliye 8 Avril, 2020.
6
Obligasyon sa dwe satisfè pa moun ki ap prete a lè moun ki ap prete a ap konplete pwosesis soumisyon yon prè
atravè sistèm ETran an; okenn transmisyon ni retansyon yon kopi fizik sou Fòm 2484 la pa obligatwa.
Depi 13 Me, 2020
22. Kesyon: Mwen se pa yon bank ki ap prete men ki satisfè tout kritè ki aplikab pou Prensip
Enterimè Final PPS la. Eske mwen pral anwole otomatikman kòm yon moun ki ap prete
nan PPS? Ki kritè SBA ak Depatman Trezò a pral itilize pou evalye si y ap apwouve
aplikasyon mwen an pou patisipe kòm yon moun ki ap prete nan PPS?
Repons: Nou ankouraje moun ki ap prete yo ki aktyèlman pa 7(a) moun ki ap prete pou yo
aplike pou yo ka ogmante kantite opsyon pou prè yo nan PPP ak vitès pou debousman prè
PPP yon fason pou ede ti biznis yo nan tout Etazini. Nou rekonèt ke solisyon teknoloji
finansye yo ka fè pwomosyon efikasite ak enklizyon finasye nan enplemantasyon PPS la.
Aplikan yo ta dwe soumèt Fòm 3507 SBA a ak tout atachman ki nesesè yo nan
NFRLApplicationForPPP@sba.gov. Soumisyon Fòm 3507 SBA a pa bay enwolman
otomatik kòm rezilta nan PPS la. SBA ak Depatman Trezò pral evalye chak aplikasyon
soti nan youn ki pa bank oswa enstitisyon depozitè ki ap prete ki pa asire epi detèmine si
aplikan an gen kalifikasyon nesesè yo pou trete, debouse, ak bay sèvis prè PPP ki fèt avèk
garanti SBA. SBA ka mande aplikan an enfòmasyon adisyonèl avan yo pran yon desizyon.
23. Kesyon: Kijan plafon $10 milyon a ak prensip afilyasyon yo travay pou franchiz yo?
Repons: Si yon mak franchiz sou lis Repètwa Franchiz SBA a, chak nan franchiz li yo ki
satisfè prensip dimansyon aplikab la ka aplike pou yon prè PPS. (Franchizè a pa aplike
pou benefisyè franchiz yo.) Plafon $10 milyon sou prè PPS yo se yon limit pou chak antite
ki benefisye franchiz, epi chak benefisyè franchiz limite a yon prè PPS.
Mak franchiz yo ki pa te jwenn benediksyon pou parèt nan Repètwa a akòz afilyasyon ant
franchize a ak benefisyè franchiz la ka oblije parèt nan lis la pou resevwa prè PPS yo. SBA
pa pral aplike prensip afilyasyon yo pou yon mak franchiz ki oblije parèt nan Repètwa a
pou patisipe nan PPS a, men SBA pral konfime ke mak la otreman elijib pou parè nan
Repètwa a.
24. Kesyon: Kijan plafon $10 milyon an ak prensip afilyasyon yo travay pou otèl ak restoran
yo (ak nenpòt biznis ki resevwa yon kòd nan Sistèm Klasifikasyon Endistri Amerik Dinò
(NAICS) ki kòmanse avè 72)?
Repons: Dapre Lwa CARES la, nenpòt grenn antite biznis ki te resevwa yon kòd NAICS
ki kòmanse avè 72 (ki enkli otèl ak restoran yo) epi ki pa anplwaye plis pase 500 anplwaye
nan chak lokasyon fizik yo elijib pou resevwa yon prè PPP.
An plis, prensip afilyasyon SBA yo (13 CFR 121.103 ak 13 CFR 121.301) pa aplike pou
biznis antite ki te resevwa yon kòd NAICS ki kòmanse avèk 72 epi ki pa anplwaye plis
pase yon total de 500 anplwaye. Kòm rezilta, si chak lokal otèl oswa restoran ke biznis
prensipal la posede se yon antitite biznis legal separe, chak lokal otèl oswa restoran ki pa
anplwaye plis pase 500 anplwaye gen pèmisyon pou aplike pou yon prè PPS separe depi li
itilize yon EIN pèsonèl.
Limitasyon montan maksimòm prè pou $10 milyon an aplike pou chak biznis antite ki
elijib, paske antite biznis endividyèl yo pa ka aplike pou plis pase yon prè. Egzanp suivan
yo ilistre kijan prensip sa yo aplike.
Depi 13 Me, 2020
Egzamp 1. Konpayi X direkteman posede plizyè restoran epi pa gen okenn afilye.
• Konpayi X ka aplike pou yon prè PPS si li anplwaye 500 oswa mwens anplwaye nan
chak lokasyon li (sa ki enkli katye jeneral li), menm si kantite total anplwaye yo
atravè tout lokasyon yo depase 500.
Egzxamp 2. Konpayi X posede totalman Konpayi Y ak Konpayi Z (kòm rezilta, Konpayi
X, Y, ak Z tout se afilye youn lòt). Konpayi Y ak Konpayi Z chak posede yon restoran
avèk 500 oswa mwens anplwaye.
• Konpayi Y ak Konpayi Z chak ka aplike pou yon prè PPP separe, paske chak genyen
500 oswa mwens anplwaye. Prensip afilyasyon yo pa aplike, paske Konapyi Y ak
Konpayi Z chak genyen 500 oswa mwens anplwaye epi yo nan biznis sèvis manje
(avèk yon kòd NAICS ki kòmanse avèl 72).
Egzamp 3. Konpayi X posede totalman Konpayi Y ak Konpayi Z (kòm rezilta, Konpayi X,
Y, ak Z tout se afilye youn lòt). Konapyi Y posede yon restoran avèk 400 anplwaye.
Konapyi Z se yon konpayi konstriksyon avèk 400 anplwaye.
• Konapyi Y elijib pou yon prè PPS paske li genyen 500 oswa mwens anplwaye.
Prensip afilyasyon yo pa aplike, paske Konpayyi Y genyen 500 oswa mwens
anplwaye epi yo nan biznis sèvis manje (avèk yon kòd NAICS ki kòmanse avèl 72).
• Renonse pou prensip afilaysyon an pa aplike pou Konpayi Z, paske Konpayi Z se
nan endistri konstriksyon. Dapre prensip afilyasyon SBA yo, 13 CFR 121.301(f)(1)
ak (3), Konpayi Y ak Konpayi Z se afilye yon ak lòt paske yo anba kontwòl menm
Konpayi X, ki posede toude konpayi antyèman. Sa vledi ke dimansyon Konpayi Z la
detèmine nan ajoute anplwaye li yo ak sila yo nan Konpayi X ak Y. Sepousa,
Konpayi Z konsidere tankou li genyen plis pase 500 anplwaye, ansanm ak afilye li
yo. Sepandan, Konpayi Z ka elijib pou resevwa yon prè PPS kòm yon dosye ti biznis
si li, ansanm avèk Konpayi X ak Y, satisfè lòt prensip dimansyon yo ki aplikab,” jan
li eksplike nan FAQ #2.
25. Kesyon: Eske enfòmasyon moun ki ap prete yo oblije kolekte apati aplikan PPS yo
konsènan chak pwopriyetè ki genyen 20% oswa plis aksyon dwa pwopriyete nan biznis ki
ap aplike a (i.e., non pwopriyetè, tit, % pwopriyete, TIN, ak adrès) satisfè obligasyon
moun ki ap prete a pou kolekte enfòmasyon pwopriyete benefisyè a(ki genyen yon limit
25% dwa pwopriyete) dapre Lwa Dwa Sekrè Bank la?
Repons:
Pou moun k ap prete kliyan aktyèl yo: Nan sa ki gen pou wè a kolektè enfòmasyon sou
dwa pwopriyete pou pwopriyetè ki genyen 20% oswa pi gran enterè dwa pwopriyete, si
prè PPS a ap fèt pou yon kliyan aktyèl epi moun ki ap prete a te deja verifye enfòmasyon
nesesè a, moun ki ap prete a pa bezwen re-verifye enfòmasyon an. Pi lwen toujou, si
enstitisyon depozitè ki asire federalman yo ak bank kowoperativ ki asire federalman yo
elijib pou patisipe nan pwogram PPS a pa te deja kolekete enfòmasyon dwa pwopriyete
benefisyè pou kliyan aktyèl yo, enstitisyon sa yo pa bezwen kolekte ak verifye
enfòmasyon dwa pwopriyete benefisyè a pou kliyan sa yo k ap aplike pou nouvo prè
PPS yo, sofsi sa endike otreman pa apwòch ki baze sou risk moun k ap prete a pou
respekte BSA.
Depi 13 Me, 2020
Pou moun ki ap prete nouvo kliyan aktyèl: Pou nouvo kliyan yo, moun ki ap prete a
kolekete enfòmasyon suivan yo apati tout moun natirèlman ki genyen 20% oswa plis
aksyon dwa pwopriyete nan biznis aplikan an e sa pral konsidere pou satifè obligasyon
BSA aplikab yo ak regelman FinCEN ki gouvène koleksyon enfòmasyon dwa pwopriyete
benefisyè a: non pwopriyetè, tit, % pwopriyete, TIN, ak dat nesans. Si nenpòt enterè dwa
pwopriyete 20% oswa plis nan biznis aplikan an se pou yon biznis oswa lòt antite legal,
moun k ap prete yo pral bezwen kolekte enfòmasyon dwa pwopriyetè apwopriye pou
antite sa. Si ou genyen kesyon konsènan obligasyon an rapò ak dwa pworiyete benefisyè,
ale nan https://www.fincen.gov/resources/statutes-and-regulations/cdd-final-rule.
Desizyon konsènan pi plis verifikasyon sou enfòmasyon dwa pwopriyete benefisyè a dwe
kolekte apati nouvo kliyan ta dwe pran an konfòmite ak apwòch ki baze sou risk moun ki
ap prete a pou respekte BSA.7
26. Kesyon: Regleman SBA oblije apwobasyon pa Komite Prensip Konduit SBA a (SCC) pou
Asistans SBA, ki se pa asistans pou desaz, pou yon antite, si li se grenn pwopriyetè, patnè,
ofisye, direktè, oswa pati prenant avèk 10 pousan oswa plis enterèse: yon anplwaye aktyèl
nan SBA, yon Manm Kongrè a, yon ofisye nome oswa anplwaye nan Reyinyon Konsèy
SBA a oswa volontè SCORE, oswa yon manm fanmi nenpòt nan moun avan yo. Eske
antite sa yo bezwen apwobasyon SCC a yon fason pou yo elijib pou yon prè PPS?
Repons: SCC a te otorize yon apwobasyon global pou prè PPS pou kalite antite sa yo yon
fason pou SCC pa gen nesesite pou pran plis aksyon nan pwogram PPS la.
27. Kesyon: Règleman SBA yo mande yon deklarasyon ekri sou absans objeksyon pa
Depatman pètinan an oswa sèvis militè avan li founi okenn SBA Assistans, sofsi se prè
pou dezas, pou yon antite, si li se grenn pwopriyetè, patnè, ofisye, direktè, oswa pati
prenant avèk yon 10 pousan oswa plis enterè, oswa yon manm fanmi nenpòt nan moun
avan yo, se yon anplwaye yon lòt Depatman oswa Ajans Gouvènman ki genyen yon nivo
GS-13 omwen oswa ekivalan li. Eske obligasyon sa aplike pou prè PPS yo?
Repons: Non. SCC a te detèmine ke yon deklarasyon ekri sou absans objeksyon apati yon
lòt Depatman oswa Ajans Gouvènman an se pa yon obligasyon pou prè PPS yo.
28. Kesyon: Eske yon moun ki ap prete otorize pou soumèt yon aplikasyon prè PPS nan SBA
atravè E-Tran avan moun k ap prete a fin akonpli responsablite li pou revize
dokimantasyon ak kalkil pou kou pewòl yo ki obligatwa moun ki bezwen prete a?
Repons: Non. Avan yon moun ki ap prete soumèt yon prè PPP atravè E-Tran, moun ki ap
prete a dwe te kolekte enfòmasyon ak sètifika yo ki nan Fòm Aplikasyon Moun ki bezwen
prete a epi moun ki ap prete a dwe te dejan akonpli tout obligasyon ki pibliye nan paragraf
3.b.(i)-(iii) nan Prensip Enterimè Final PPS la. Tanpri gade nan Prensip Enterimè Final la
ak FAQ #1 an pou plis enfòmasyon sou responsablite moun ki ap prete a konsènan
konfimasyon kou pewòl yo.
Moun ki ap prete yo ki pa te konprann ke etap sa yo obligatwa avan soumisyon E-Tran pa
dwe retire aplikasyon ki te soumèt nan E-Tarn avan 14 Avril, 2020, men dwe ranpli
7
Kesyon 21 - 25 pibliye 13 Avril, 2020.
Depi 13 Me, 2020
responsablite yo nan sa ki an rapò avèk aplikasyon sa yo pi vit posib e pa pita ke lè prè a
abouti.8
29. Kesyon: Eske moun ki ap prete yo ka itilize kopi dokiman skane oswa E-siyati oswa E-
konsantman ki otorize pa Lwa E-siyati a?
Repons: Wi. Tout moun ki ap prete PPS ka aksepte kopi skane aplikasyon ki siyen pou
prè yo ak dokiman ki genyen enfòmasyon ak sètifika yo ki obligatwa sou Fòm 2483 SBA
ak nòt angajman ki itilize pou prè PPS la. Adisyonèlman, moun ki ap prete yo ka aksepte
tou nenpòt fò E-konsatman oswa E-siyati ki respekte obligasyon yo nan Lwa sou Siyati
Elektwonik yo nan Komès Global ak Nasyonal la (P.L. 106-229).
Si siyati elektwonik pa fezab, lè w ap resevwa yon siyati fizik alank san kontak anpèsòn,
moun ki ap prete yo ta dwe suiv etap apwopriye yo pou asire pati apwopriye a te konplete
dokiman an.
Enstriksyon sa pa ranplase obligasyon siyati yo dapre lòt lwa ki aplikab, sa ki enkli dapre
regilatè federal prensipal moun ki ap prete yo.9
30. Kesyon: Eske yon moun ki ap prete kapab vann yon prè PPS nan yon mache segondè?
Repons: Wi. Yon prè PPS kapab vann nan yon mache segondè nenpòt moman apre prè a
te fin debouse totalman. Yon vant sou mache segondè pou yon prè PPS pa gen obligasyon
apwobasyon SBA. Yon prè PPS ki vann nan mache segondè gen 100% garanti SBA. Yon
prè PPS ka vann nan mache segondè selon valè prensipal li oswa orabè valè nominal li.10
31. Kesyon: Eske biznis ke gran konpayi yo posede ki genyen sous adekwat likidite pou
sipòte operasyon biznis yo san kanpe kalifye pou yon prè PPS?
Repons: An plis pou revize règleman afilyasyon aplikab yo pou detèmine elijiblite, tout
moun ki bezwen prete dwe evalye bezwen ekonomik yo pou yon prè PPS dapre prensip ki
etabli pa Lwa CARES la ak lwa yo nan moman aplikasyon pou prè a. Malgre Lwa CARES
la abwoje obligasyon òdinè ke moun ki bezwen prete bwa nan enposiblite pou jwenn kredi
lòt kote (jan sa defini nan seksyon 3(h) nan Lwa Ti Biznis la), moun ki bezwen prete yo
dwe sèfifye ke rekèt prè PPP yo a se yon nesesite. Espesyalman, avan soumisyon yon
aplikasyon PPP, tout moun ki bezwen prete yo ta dwe revize atantivamn sètifika obligatwa
ke “ensètitid ekonimik [a]ktyèl la rann rekèt pou prè sa nesesè pou sipòte operasyon
Aplikan an san kanpe.” Moun ki bezwen prete yo dwe founi sètifika sa an tout bòn fwa,
nan konsidere aktivite biznis aktyèl yo ak abilite yo pou jwenn aksè nan lòt sous likidite
sifizan pou sipòte operasyon yo san kanpe nan yon fason ki pa konsiderableman odetriman
de biznis la. Pa egzanp, li pa evidan ke yon konpayi piblik avèk yon valè machand
sibstansyèl ak aksè nan mache kapito yo pral gen posiblite pou founi sètifika obligatwa a
an tout bòn fwa, epi kalte konpayi sa ta dwe pare pou demontre SBA, si yo mande sa,
fondman pou sètifika li a.
8
Kesyon 26 - 28 pibliye 14 Avril, 2020.
9
Kesyon 29 pibliye 15 Avril, 2020.
10
Kesyon 30 pibliye 17 Avril, 2020.
Depi 13 Me, 2020
Moun ki ap prete yo ka konte sou sètifika moun ki bezwen prete a konsènan nesesite rekèt
pou prè a. Nenpòt moun ki bezwen prete ki aplike pou yon prè PPS avan piblikasyon
enstriksyon sa epi repeye prè a okonplè rive 7 Me, 2020 pral konsidere pa SBA ke yo te
founi sètifika obligatwa a an tout bòn fwa.11
32. Kesyon: Eske depans lajan oswa alokasyon pou lwaye pou yon anplwaye kòm yon pati
nan konpansasyon konte pou kou pewòl yo?
Repons: Wi. Depans pewòl enkli tout konpansasyon kach ki peye pou anplwaye, anba
limit $100,000 konpasasyon anyèl pa anplwaye a.
33. Kesyon: Eske genyen enstriksyon aktyèl pou ede aplikan PPS ak moun ki ap prete yo
detèmine si plas rezidans prensipal rezidans yon anplwaye endividyèl se nan Etazini?
Repons: Aplikan PPS ak moun ki ap prete yo ka konsidere règleman IRS yo (26 CFR§
1.121- 1(b)(2)) lè y ap detèmine si plas rezidans prensipal rezidans yon anplwaye
endividyèl se nan Etazini.
34. Kesyon: Eske pwodiktè agrikòl, fèmye, pwopyetè gran bitasyon yo elijib pou prè PPS yo?
Repons: Wi. Pwodiktè agrikòl, fèmye,ak pwopyetè gran bitasyon elijib pou prè PPS yo si:
(i) biznis la genyen 500 oswa mwens anplwaye, oswa (ii) biznis lan rantre nan prensip
dimansyon sou baz revni, ki se yon mwayèn resèt anyèl $1 milyon.
Adisyonèlman, pwodiktè agrikòl, fèmye, ak pwopyetè gran bitasyon yo kapab kalifye pou
prè PPS yo kòm yon dosye ti biznis si biznis yo satisfè SBA ak “prensip dimansyon
altènativ.” “Prensip dimansyon altènativ: la aktyèlman se: (1) maksimòm valè global
biznis lan pa depase $15 milyon; epi (2) reveni mwayen reyèl apre taks Federal sou revni
(ki eskli tout defisi ki te pase) nan biznis la pou de ane fiskal konplè avan dat aplikasyon
an pa depase $5 milyon.
Pou tout kritè sa yo, aplikan an dwe enkli afilyasyon nan kalkil li yo. Lyen pou Prensip
Afilyasyon Aplikab yo pou PPP a.
35. Kesyon: Eske koperativ agrikòl ak lòt fòm yo ka elijib pou resevwa prè PPP yo?
Repons: Depi lòt obligasyon elijiblite PPS yo satisfè, ti koperativ agrikòl yo ak lòt
koperativ yo ka resevwa prè PPS yo.12
36. Kesyon: Pou detèmine elijiblite moun ki bezwen prete anba 500-anplwaye oswa lòt
limitasyon aplikab ki etabli nan Lwa CARES la, eske yon moun ki bezwen prete dwe
konte tout anplwaye yo oswa sèlman anplwaye ekivalann aplentan yo?
Repons: Nan objektif elijiblite pou prè, Lwa CARES la defini tèm anplwaye a pou li enkli
“moun ki anplwaye aplentan, tan pasyèl, oswa lòt baz.” Kidonk yon moun ki bezwen prete
dwe kalkile kantite total anplwaye yo, sa ki enkli anplawye atan pasyèl, lè y ap detèmine
11
Kesyon 31 pibliye 23 Avril, 2020.
12
Kesyon 32 - 35 pibliye 24 Avril, 2020.
Depi 13 Me, 2020
kantite anplwaye yo nan objektif pou limitasyon elijiblite. Pa egzanp, si yon moun ki
bezwen prete genyen 200 anplwaye aplentan epi 50 anplwaye atan pasyèl ki chak ap
travay 10 èdtan pa semèn, moun ki bezwen prete a genyen yon total 250 anplwaye.
Pa kont, pou objektil pa repeye prè a, Lwa CARES la itilize prensip “ekivalan anplwaye
aplentan” an pou detèmine nan ki limit montan prè a ki pap repeye a pral redwi sizoka ta
gen rediksyon nan kantite anplwaye yo.13
37. Kesyon: Eske biznis ke konpayi prive yo posede ki genyen sous adekwat likidite pou
sipòte operasyon biznis yo san kanpe kalifye pou yon prè PPS?
Repons: Gade repons pou FAQ #31. 14
38. Kesyon: Seksyon 1102 nan Lwa CARES la deklare ke prè PPS yo disponib sèlman pou
aplikan yo ki te “ap opere nan dat 15 Fevriye, 2020.” Eske yon biznis ki te ap opere nan
dat 15 Fevriye, 2020 men te gen yon chanjman pwopriyetè apre 15 Fevriye, 2020 elijib
pou yon prè PPS?
Repons: Wi. Depi biznis lan te ap opere nan dat 15 Fevriye, 2020, si li satisfè lòt kritè
elijiblite yo, biznis lan elijib pou aplike pou yon prè PPS kelkeswa chanjman ki te gen nan
pwopriyetè a. An plis, kote genyen yon chanjman nan pwopriyetè ki te fèt atravè acha valè
sibstansyè nan yon biznis ki te ap opere nan dat 15 Fevriye, biznis ki akeri valè yo pral
elijib pou aplike pou yon prè PPS menmsi chanjman nan pwopriyetè a kreye yon nouvo
nimewo idantifikasyon taks epi menmsi biznis ki vin posede l la pa t ap kòmanse opere jis
apre 15 Fevriye, 2020. Si biznis ki vin akeri a te mentni operasyon yo avan vant biznis la,
biznis ki akeri a ka konte sou istwa kou pewòl ak kantite anplwaye nan biznis avan vant la
nan objektif pou aplikasyon PPS li a, eksepte kote bizinis avan vant lan te aplike epi
resevwa yon prè PPS. Adminsitratè a, an konsiltasyon avèk Sekretarya a, te detèmine ke
obligasyon pou ke yon biznis “t ap opere nan dat 15 Fevriye, 2020” an ta dwe aplike sou
baz reyalite ekonomik operasyon biznis la.
39. Kesyon: Eske SBA revize dosye endividyèl prè PPS yo?
Repons: Wi. Nan FAQ #31, SBA te raple tout moun ki bezwen prete sètifika enpòtan ki
obligatwa pou jwenn yon prè PPS. Pou pi byen asire prè PPS yo limite ak moun elijib ki
bezwen prete ki gen bezwen, SBA a te deside, an konsiltasyon avèk Depatman Trezò a, ke
li pral revize tout prè yo ki depase $2 milyon, an plis lòt prè yo jan sa apwopriye, apre
moun k ap prete a fin soumèt aplikasyon remèt prè moun ki bezwen prete a. Oryantasyon
adisyonèl pou enplimante pwosedi sa pral pibliye pita.
Rezilta revizyon dosye prè SBA yo pa pral afekte garanti SBA pou okenn prè ke moun ki
ap prete a te respekte obligasyon moun ki ap prete a ki tabli nan paragraf III.3.b(i)-(iii) nan
Prensip Pwogram Pwoteksyon Salè a (2 April, 2020) pei ki pi byen eksplike nan FAQ #1.15
13
Kesyon 36 pibliye 26 Avril, 2020.
14
Kesyon 37 pibliye 28 Avril, 2020.
15
Kesyon 38 - 39 pibliye 29 Avril, 2020.
Depi 13 Me, 2020
40. Kesyon: Eske montan prè PPS pou remèt pou yon moun ki bezwen prete (dapre seksyon
1106 nan Lwa CARES la ak prensip ak enstriksyon sou enplemantasyon SBA yo) dwe
redui si moun ki bezwen prete a te ranvwaye yon anplwaye, te ofri pou reyanplaye menm
anplwaye a, men anplwaye a te rejte òf la?
Repons: Non. Pou egzèse otorite Adminsitratè ak Sekretarya a anba Seksyon 1106(d)(6)
nan Lwa CARES la pou preskri règleman ki akòde egzanpsyon minimal soti nan limit Lwa
a sou remèt prè a, SBA ak Trezòreri a gen entansyon pou pibliye yon prensip final
enterimè ki eskli anplwaye revoke yo ke moun ki bezwen prete a te ofri pou reyanplwaye
(pou menm salè/peman ak menm kantite lè yo) nan kalkil rediksyon pou remèt prè a nan
Lwa CARES la. Règleman enterimè final la pral presize ke, pou kalifye pou egzanpsyon
sa, moun ki bezwen prete a dwe te founi an tout bòn fwa, yon òf alekri pou reyanplwaye,
ak refi anplwaye a pou òf da dwe dokimante pa moun ki bezwen prete a. Anplwaye ak
anplwayè a ta dwe konnen ke anplwaye ki rejte òf pou reyanplwa a ka pèdi elijiblite pou
kontinye resevwa konpansasyon pou pèt anplwa.
41. Kesyon: Eske yon anplwaye sezonye ki chwazi pou itilize yon peryòd 12-semèn ant 1 Me,
2019 ak 15 Septanm, 2019 kapab kalkile maksimòm montan prè li nan PPP anba prensip
enterimè final ki te pibliye pa Trezòri a 27 Avril, 2020, ranpli tout sètifika obligatwa yo
sou Fòm Aplikasyon Moun ki bezwen prete a?
Repons: Wi. Fòm Aplikasyon Moun ki bezwen prete a oblije aplikan yo pou yo sètifye ke
“Aplikan an elijib pou resevwa yon prè dapre prensip yo ki efektif nan moman soumisyon
aplikasyon sa ki te pibliye pa Administrasyon Ti Biznis (SBA) pou enplimante Pwogram
Pwoteksyon Salè a.” Jou 27 Avril, 2020, Trezòri a te pibliye yon prensip enterimè final ki
pèmèt moun ki bezwen prete kòm sezonye pou itilize yon peryòd debaz altènativ nan
objektif pou kalkile montan prè ke yo elijib pou li anba PPS. Yon aplikan ki otreman pou
respekte obligasyon SBA ki aplikab yo, epi ki respekte prensip enterimè final Trezòri asou
travayè sezonye yo, pral konsidere elijib pou yon prè PPS dapre prensip SBA yo. Olye n
suiv enstriksyon nan paj 3 sou Fòm Aplikasyon Moun ki bezwen prete pou peryòd tan an
pou kalkile pewòl mwayèn mansyèl pou biznis sezonye yo, yon aplikan kapab chwazi pou
itilize peryòd tan an nan prensip enterimè final Trezòri a sou travayè sezonye yo.
42. Kesyon: Eske lopital non likratif egzante de taks anba seksyon 115 nan Kòd IRS kalifye
kòm “òganizasyon non likratif” anba seksyon 1102 nan Lwa CARES la?
Repons: Seksyon 1102 nan Lwa CARES la defini tèm “òganiozasyon non likratif” kòm
“yon òganizasyon ki dekri nan seksyon 501(c)(3) nan kòd Revni Entèn ane 1986 epi ki
egzan de taks anba seksyon 501(a) nan kòd sa a.” Administratè a, an konsiltasyon avèk
Sekretarya nan Trezòri a, konprann ke lopital non likratif yo egzan de taks anba seksyon
115 nan Kòd Revni Entèn yo espesyal paske anpil nan kalte lopital sa yo ka satisfè
deskripsyon ki prezante nan seksyon 501(c)(3) nan Kòd Revni Entèn pou kalifye pou
egzanpsyon taks anba seksyon 501(a), men ki pa te chè pou IRS rekonèt yo konsa paske
otreman yo konplètman egzante de taks anba yon pwovizyon diferan nan Kòd Revni
Entèn lan.
Depi 13 Me, 2020
An konsekans, Administratè a pral trete yon lopital non likratif kòm egzante de taks anba
seksyon 115 nan Kòd Revni Entèn la kòm yo rankontre definisyon pou “òganizasyon non
likratif” dapre seksyon 1102 nan Lwa CARES la si lopital la rezonableman detèmine, nan
yon dokiman ekri ki disponib nan lopital la, ke se yon òganizasyon ki dekri nan seksyon
501(c)(3) nan Kòd IRS epi pousa tonbe nan kategori òganizasyon ki egzan de taks dapre
seksyon 501(a).16 Sètifika lopital sou elijiblite sou Fòm Aplikasyon Moun ki bezwen prete
apa kapab fè sa detèminasyon sa pa fèt. Apwòch sa ede akonpli objektif jiridik nan asire ke
yon gran varyete moun ki bezwen prete, ki enkli antite ki ap ede pou dirije repons medikal
pou pandemi ki ap kontinye a, kapab benefisye apati prè ki disponib anba PPS la.
Enstriksyon sa senpleman gen pou objektif pou kalifye kòm yon “òganizasyon non likratif”
anba seksyon 1102 nan Lwa CARES la epi objektif yo ki konekte ak Lwa CARES la, epi pa
genyen okenn konsekans sou objektif lwa taks federal yo. Lopital non likratif yo ta dwe
revize tou tout lòt kritè elijiblite aplikab yo, ki enkli Nòt Angajman yo sou Prensip Enterimè
Final, Otorizazyon, Afilyasyon, ak Elijiblite (28 Avril, 2020) konsènan yon limitasyon
enpòtan sou dwa pwopriyetè eta oswa gouvènman lokal yo. 85 FR 23450, 23451.17
43. Kesyon: FAQ #31 te raple moun ki bezwen prete yo pou yo revize atantivman sètifika
obligatwa nan Fòm Aplikasyon Moun ki bezwen prete a ke “ensètitid ekonimik [a]ktyèl la
rann rekèt pou prè sa nesesè pou sipòte operasyon Aplikan an san kanpe.” Enstriksyon ak
règleman yo deklare ke nenpòt moun ki bezwen prete ki aplike pou yon prè PPP avan 24
Avril, 2020 epi repeye prè a okonplè rive 7 Me, 2020 pral konsidere pa SBA ke yo te founi
sètifika obligatwa a an tout bòn fwa. Eske li posib pou yon moun ki bezwen prete jwenn
yon pwolongasyon rive 7 Me, 2020 nan dat repèman an?
Repons: SBA ap pwolonje dat repèman an pou bonjan sekirite rive 14 Me, 2020. Moun ki
bezwen prete yo pa bezwen aplike pou pwolongasyon sa. Pwolongasyon an pral
enplimante rapidman atravè yon revizyon nan prensip enterimè final SBA a pou founi
bonjan sekirite. SBA gen entansyon founi enstriksyon adisyonèl sou fason li pral revize
sètifika a avan 14 Me, 2020.
44. Kesyon: Kijan prensip afilyasyon SBA nan 13 C.F.R. 121.301(f) yo aplike nan zafè konte
anplwaye a letranje yo oswa afilye Etazini yo?
Repons: Nan objektif prensip dimansyon 500 oswa mwens aplwaye yo, yon aplikan dwe
konte tout anplwaye li yo ak anplwaye ki nan afliye Etazini yo ak etranje yo, nan absans
yon renonsman oswa yon eksepsyon pou prensip afilyasyon yo. 13 C.F.R. 121.301(f)(6).
Yon dosye biznis kap chèche kalifye kòm yon “dosye ti biznis” dapre seksyon 3 nan Lwa
sou Ti Biznis, (15 U.S.C. 632) sou baz prensip dimansyon baze sou enplwaye dwe
16
Detèminasyon sa pa bezwen konsidere kondisyon oksilyè yo ki dekri nan seksyon 501(r) nan Kòd Revni Entèn ak
lòt kote ki asosye avèk sekirize egzanpsyon taks anba seksyon sa. Seksyon 501(r) deklare ke yon òganizasyon lopital
pa pral trete jan li dekri nan seksyon 501(c)(3) sofsi li satisfè kèk obligasyon sante kominotè ak lòt. Sepandan,
seksyon 1102 nan Lwa CARES la defini tèm “non likratif” la senpleman an referans ak seksyon 501(c)(3), ak
seksyon 501(r) pa amande seksyon 501(c)(3). Sepousa, pou objektif PPS la, obligasyon yo nan seksyon 501(r) pa
aplike pou detèmine si yon òganizasyon rantre nan “deskripsyon ki nan seksyon 501(c)(3).”
17
Kesyon 40 - 42 pibliye 3 Me, 2020.
Depi 13 Me, 2020
fèmenm bagay la.18
45. Kesyon: Eske yon anplwaye ki repeye prè PPS li a nan delè bonjan sekirite a (14 Me,
2020) elijib pou Kredi Retansyon Anplwaye a?
Repons: Wi. Yon anplwaye ki te aplike pou yon prè PPS, te resevwa pèman, epi repeye
prè a nan limit delè bonjan sekirite a (14 Me, 2020) pral resevwa tretman tankou si
anplwayè a pa te resevwa yon prè ki kouvri anba objektif PPS yo nan Kredi Retansyon
Anplwaye a. Sepousa, anplwayè a pral elijib pou kredi a si anplwayè a otreman se yon
anplwayè ki elijib pou objektif kredi a.19
46. Kesyon: Kijan SBA pral revize sètifika bòn-fwa ogligatwa pou moun ki bezwen prete a
konsènan nesesite obligasyon sou prè yo a?
Repons: Lè yo ap soumèt yon aplikasyon PPS, tout moun ki bezwen prete yo dwe sètifye
an tout bòn fwa ke “[e]nsètitid ekonomik aktyèl la rann rekèt pou prè sa yon nesesite pou
sipòte operasyon Aplikan an san kanpe.” SBA, an konsiltasyon avèk Depatman Trezò a, te
detèmine ke bonjan sekirite swivan an pral aplike pou SBA revize prè PPS yo nan sa ki
gen pou wè ak pwoblèm sa: Tout moun ki bezwen prete ki, ansanm avèk afilye li yo,20 te
resevwa prè PPS avèk yon montan orijinal prensipal mwens ke $2 milyon pral konsidere
tankou yo te ranpli sètifika obligatwa a konsènan nesesite pou rekèt yon prè an bòn fwa.
SBA te detèmine ke bonjan aboutisman sa apwopriye paske moun ki bezwen prete yo avèk
prè anba limit sa jeneralman gen mwens tandans pou te jwenn aksè nan sous likidite
adekwat nan anviwònman ekonomik aktyèl la pase moun ki bezwen prete yo ki te jwenn
pi gwo prè yo. Bonjan aboutisman sa pral ankouraje konfyans nan ekonomi an lè moun ki
prete nan PPS avèk plis resous limite ka pran chans kenbe epi reyanplwaye anplwaye yo.
An adisyon, etandone gwo volim prè PPS yo, apwòch sa pral bay SBA kapasite pou
konsève resous odit limite li yo epi fokis revizyon li yo sou pi gwo prè yo, kote efò
konfòmite ka jenere pi gran rezilta.
Pi enpòtan, moun ki bezwen prete yo avèk prè pi gwo pase $2 milyon ki pa satisfè bonjan
aboutisman sa ka toujou genyen yon baz adekwat pou ranpli sètifika bòn-fwa a, sou baz
sikonstans endividyèl yo dapre langaj ki nan sètifika a ak oryantasyon SBA. SBA avan sa
te deklare ke tout prè PPS yo ki depase $2 milyon, ak lòt prè PPP jan sa apwopriye, pral
tonbe anba revizyon SBA pou konfòmite avèk obligasyon pwogram lan ki tabli nan
Prensip Enterimè Final PPS a ak sou Fòm Aplikasyon Moun ki bezwen prete a. Si SBA
detèmine pandan pwosesis revizyon li a ke moun ii bezwen prete a manke yon baz adekwa
pou sètifika ki obligatwa a konsènan nesesite pou rekèt prè a, SBA pral chèche repèman
pou balans prè PPS a ki rete a epi pral enfòme moun ki prete a ke moun ki bezwen prete a
pa elijib pou pa repeye prè a. Si moun ki bezwen prete a repeye prè a apre resepyon
notifikasyon SBA a, SBA pa pral chèche ranfòsman administratif oswa referans lòt ajans
ki baze sou detèminasyon li avèk respè pou sètifika konsènan nesesite pou rekèt pou prè a.
18
Kesyon 43 - 44 pibliye 5 Me 2020.
19
Kesyon 45 pibliye 6 Me, 2020.
20
Pou objektif bonjan sekirite sa, yon moun ki bezwen prete dwe enkli afilye li yo jis nan limit ki obligatwa yo anba
prensip enterimè final sou afilye yo, 85 FR 20817 (15 Avril, 2020).
Depi 13 Me, 2020
Detèminasyon SBA a konsènan sètifika ki anrapò ak nesesite rekèt pou prè a pa pral afekte
garanti prè SBA a.
47. Kesyon: Yon prensip enterimè SBA ki poste jou 8 Me, 2020 te deklare ke nenpòt moun ki
bezwen prete ki aplike pou yon prè PPS epi repeye prè a okonplè rive 14 Me, 2020 pral
konsidere pa SBA ke yo te ranpli sètifika ki obligatwa a konsènan nesesite pou rekèt prè a
an tout bòn fwa. Eske li posib pou yon moun ki bezwen prete jwenn yon pwolongasyon
rive 14 Me, 2020 nan dat repèman an?
Repons: Wi, SBA ap pwolonje dat repèman an pou bonjan aboutisman sa rive 18 Me,
2020, pou bay moun ki bezwen prete yo yon opòtinite pou revize ak konsidere FAQ #46
la. Moun ki bezwen prete yo pa bezwen aplike pou pwolongasyon sa. Pwolongasyon an
pral enplimante rapidman atravè yon revizyon nan prensip enterimè final SBA a pou founi
bonjan aboutisman. 21
21
Kesyon 46 – 47 pibliye 13 Me, 2020.
File and source
- File
- 2020-05_Paycheck-Protection-Program-Frequently-Asked-Questions_05-13-20_Haitian-Creole.pdf
- Size
- 188,484 bytes
- SHA-256
- 45407d67e5ed4ff87ee3b23e063984ff67b249de7ff99b80064b6bc7beb46228
- Original
- www.sba.gov